Japan ရွေးကောက်ပွဲ
30/08/2009
ဂျပန်နိုင်ငံရဲ့ ရာစုနှစ်တဝက် အုပ်ချုပ် ခဲ့တဲ့ လစ်ဘရယ် ပါတီ နေရာမှာ ဒီမိုကရက်တစ် ပါတီ တော့ အနိုင်ရပြီ။
ဝန်ကြီးချုပ်သစ် ဖြစ်လာမယ့် အသက်၆၂နှစ်အရွယ် Mr Hatoyama ဟာ ဂျပန်နိုင်ငံမှာ နိုင်ငံရေး အရ သြဇာ ညောင်းတဲ့ မိသားစုက ဆင်းသက်လာခဲ့သူ ဖြစ်ပြီး အချမ်းသာဆုံး လွှတ်တော်အမတ် တစ်ယောက်လည်း ဖြစ်ပါ တယ်။ သူ့ရဲ့ အဖိုး ဝန်ကြီးချုပ်ဟောင်း Ichiro Hatoyama ဟာ ၁၉၅၅ခုနှစ်ကတည်းက တောက်လျှောက် ဂျပန်ကို အုပ်ချုပ် လာတဲ့ LDP ပါတီကို တည်ထောင်နိုင်ရေး ကြိုးပမ်းခဲ့သူ တဦးဖြစ်ပါတယ်။ သူကိုယ်တိုင်ကလည်း တချိန်က LDP ပါတီဝင် တဦးဖြစ်ခဲ့သူ Hatoyama က လူမှုဖူလုံရေး ကို အဓိက ထား၍ အလုံးစုံ အပြောင်းအလဲဖြစ်အောင် လုပ်ဆောင်သွားမယ်လို့ ကတိ ပေးထားပါတယ်။ အမေရိကန် Standford တက္ကသိုလ်က အင်ဂျင်နီယာဘွဲ့ရပြီး၊ မြန်မာ့ ဒီမိုကရေစီ ရေးကို သိသိသာသာ ထောက်ခံသူ ဖြစ်ပါတယ်။သူသည် ၂၀၀၂ ခုနှစ်က မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ် အကျယ်ချုပ်မှ လွတ်မြောက်စဉ် တယ်လီဖုန်း ဆက်ပြီး စကား ပြောခဲ့သူဖြစ်သည်။
Happy Valentines Day
14/02/2009
ဒီနေ့ခေတ်မှာ ကတ်သိုလစ် ဘုရားကျောင်း တွေက သိနားလည် ထားကြတာ ကတော့ Valentine လို့ အမည်တွင်ခဲ့တဲ့ သူတော်စင် (၃)ပါး ရှိခဲ့ ပါတယ်တဲ့။ ဒဏ္ဍာရီ တစ်ခုက အတည်ပြု ထားတဲ့ ဇာတ်လမ်းအရ Valentine ဆိုတာ (၃) ရာစု လောက်က ရောမမှာ ပေါ်ထွန်းခဲ့တဲ့ ဘုန်းတော်ကြီး တစ်ပါး ဖြစ်ပြီး အဲဒီ ဘုန်းတော်ကြီး ဟာ ကလောဒီးယပ်စ် (၂) ဘုရင် လက်ထက်မှာ သက်ရှိ ထင်ရှား ရှိခဲ့ တဲ့ ပုဂ္ဂိုလ် တစ်ဦး လို့ ဆိုပါတယ်။ ဘုရင် ကလောဒီးယတ်စ် ဟာ တိုင်းပြည်မှာ ရှိတဲ့ အိမ်ထောင်သည် တွေကို စစ်တပ် အတွက် မရွေးချယ်ဘဲ လူပျို လူလွတ် တွေကို စစ်မှုထမ်းဖို့ အမိန့် ထုတ်ခဲ့ ပါတယ်။ တိုင်းပြည်က လူပျိုတွေ ခမျာ သူတို့ရဲ့ ချစ်သူ ကြင်သူ တွေနဲ့ ဝေးကွာ ရတဲ့ စိတ်ဒုက္ခ ကို ခံစားနေ ခဲ့ရ ရှာတယ်။ ဘုရင် ကလဲ လူပျို တွေ အိမ်ထောင် မပြုရဘူး လို့ အမိန့် ထုတ်ထား တာကိုး။ လူငယ် တွေရဲ့ သနား စရာ အဖြစ်ကို မြင်တွေ့ရတဲ့ သူတော်စင် Valentine ဟာ ဆုံးဖြတ်ချက် တစ်ခု ခိုင်ခိုင်မာမာ ချပြီး ဥပဒေ အပြင် ဘက်ကနေ စစ်မှု ထမ်းသူ လူငယ်လေး တွေကို သူတို့ရဲ့ ချစ်သူ တွေနဲ့ တိတ်တဆိတ် လက်ထပ် ပေးခဲ့ ပါတယ်။ ဘုန်းတော်ကြီး ရဲ့ လုပ်ရပ်ကို သိသွား တဲ့အခါ ဘုရင် ကလောဒီးယတ်စ် တစ်ယောက် ဒေါသ ပေါက်ကွဲ ပြီး ရှင်တော် Valentine ကို သေဒဏ် ချမှတ် ခဲ့ပါတော့တယ်။
ဒဏ္ဍာရီ (၂)
နောက်ထပ် ရာဇဝင် တစ်ခု ကတော့ သူတော်စင် Valentine ဟာ အကျဉ်းခံရ သူတွေထဲမှာ အပါအဝင် ဖြစ်ခဲ့ တယ်လို့ ဆိုပါတယ်။ နောက်တော့ အကျဉ်းသား Valentine ဟာ သူ့ဆီကို မကြာ ခဏ အလည် လာတွေ့တဲ့ ထောင်မှူး သမီးနဲ့ ချစ်ကြိုး သွယ်မိ ခဲ့တယ်။ ထောင်ထဲ မှာ သူမသေဆုံး ခင် စာတစ်စောင် ကို ချစ်သူ အတွက် ချန်ထား ခဲ့ရာမှာ “From Your Valentine” ဆိုပြီး လက်မှတ် ရေးထိုး ခဲ့ပါ သတဲ့။ ဒီနေရာ မှာ သူရေး ခဲ့တဲ့ စာ အရေး အသား ဟာ ခုခေတ် ရင်ဖွင့်စာ တွေမှာ တွေ့နေရတဲ့ အသုံးအနှုန်း နဲ့ သွားပြီး တူညီနေတာ တွေ့ရ ပါတယ်။ ဒီတော့ ပထမ ဆုံးသော ချစ်သက် လက်ဆောင် ကို Valentine က ပေးပို့ ခဲ့တယ် လို့ သတ်မှတ် နိုင်မှာ ဖြစ်ပါတယ်။
ဒဏ္ဍာရီ (၃)
အလယ် ခေတ် လောက်က Valentine ဒဏ္ဍာရီ ဟာ ပြင်သစ် နဲ့ အင်္ဂလန် နိုင်ငံတွေ မှာ တော်တော် လေး ခေတ်စား လာခဲ့ပြီး အယူအဆ အမျိုးမျိုး လဲ ဆင့်ပွား ပေါ်ပေါက် လာခဲ့ပါတယ်။ တချို့ ကတော့ St. Valentine ဟာ ခေါင်းဖြတ် ပြီး အသတ် ခံရ တယ်လို့ ယုံကြည် နေကြပြီး နောက်ထပ် လူပြော များတာ တစ်ခုက Valentine ရဲ့ ရုပ်ကြွင်း (ဒါမှမဟုတ်) အရိုးပြာ ကို အိုင်ယာလန် နိုင်ငံက ဘုန်းတော်ကြီး John Spratt အတွက် ပုပ်ရဟန်း မင်းကြီး George XVI က လက်ဆောင် အဖြစ် ပေးအပ် ခဲ့တယ် ဆိုတာ ပါပဲ။ အိုင်ယာလန် ဘုန်းတော်ကြီး ဟာ တရား ဟော အရမ်း ကောင်းတဲ့ အတွက် ပုပ်ရဟန်း မင်းကြီးက အထင်ကြီး လေးစား မိပါ သတဲ့။ ဒါကြောင့် လဲ ရွှေကွပ် ထားတဲ့ အနက်ရောင် ကြုတ် ကလေး ထဲမှာ ထည့်ထား တဲ့ သူတော်စင် Valentine ရဲ့ အရိုးပြာ ကို ပေးအပ် လိုက်တယ် လို့ သိရ ပါတယ်။ အိုင်ယာလန် နိုင်ငံ၊ ဒဗ္ဗလင်မြို့၊ Whitefriar လမ်းက ဘုရားကျောင်း မှာ ပြသ ထားတဲ့ အဲဒီကြုတ် ကလေး ကို Valentine’s Day ရောက်လာ တိုင်း လူတွေက သွားရောက် ကြည့်ရှု လေ့ ရှိကြ ပါတယ်။
၉၄ နှစ်မြောက် ဗိုလ်ချုပ်မွေးနေ့
13/02/2009
အောင်ဆန်းဇာနည်
ဖေဖော်ဝါရီ ၁၃ မှာ ဗိုလ်ချုပ်မွေးနေ့ပါ။
၁၉၁၅ ရှေ့နေ ဦးဖာသား။
ဇာတိနတ်မောက် မကွေးခရိုင်
သိကြများခုတိုင်၊
ကြံ့ကြံ့ခိုင်တဲ့ ဇာနည်ဘွား၊
မိခင်ဒေါ်စု သား..။
၁၉၄၇ ပြောင်းကြွ တမလွန်၊
မျက်ရည်သွန်လို့ ဘဝင်ညှိုး
ဇူလိုင်တစ်ဆယ့်ကိုး..။
ပြည်ထောင်စုရဲ့ ကျေးဇူးရှင်
ဗိုလ်ချုပ် ဒို့ဖခင်၊
ကောင်းစေချင်တဲ့ မှာစကား၊
ငါတို့ မမေ့အား..။
ပြည်ထောင်လွတ်ရေး ကြိုးပမ်းအောင်
ပြည်ချစ် ဒို့ခေါင်းဆောင်၊
ဆိုရှယ်လစ်ဘောင် လမ်းစဉ်များ
ဗိုလ်ချုပ် ချမှတ်သွား..။
ဗိုလ်အောင်ဆန်း.mp3 -
ဆရာ မင်းသုဝဏ် ရာပြည့် အမှတ်တရ
10/02/2009
(၁၉၀၉ ဖေဖဝါရီ ၁၀ ရက်-၂၀၀၄ သြဂုတ် ၁၅ ရက်)
သပြေသီးကောက်
မျှော့နက်မည်းကြီး တွယ်တတ်တယ်
မျှော့နက်ဆိုတာ ချိုနဲ့လားကွယ့်
မြွေနဂါးတောင် ကြောက်ဘူးကွယ်
တို့လည်းကြောက်ပေါင် အတူသွားစို့
အုန်းလက်နွားလေး ထားခဲ့မယ်
သွားမယ် သွားမယ်။
လယ်စောင့်တဲ
မိုးရေ တက်ရေ တဖွေးဖွေး
ကွင်းကျယ် အဝေးဝေး
လယ်စောင့်တဲလေး ခြေတံရှည်
မိုးကုတ်အောက်မှာတည်
ကြာနီတပွင့် ဖြူတပွင့် တဲနဲ့ ပဏာတင့်
ဥပုသ်စောင့်
ဆွမ်းအုပ်နီနီ အမေရွက်လို့
နက်ဖြန်နံနက် ကျောင်းတက်မယ်
မောင်လည်းလိုက်မယ် ချန်မထားနဲ့
အမေသွားတော့ ပျင်းလှတယ်
ကျောင်းကြီးပေါ်မှာ မောင်ငယ်ဆော့ရင်
ဘုန်းကြီးအော့လို့ ရိုက်လိမ့်မယ်
မောင်မဆော့ပေါင် စိတ်ပုတီးနဲ့
ဘုန်းတော်ကြီးလို နေပါ့မယ်
လိုက်မယ် လိုက်မယ်။
(မင်းသုဝဏ်)
ု




