လူ့ဘုံ လူ့လောက
14/08/2009
လူ့ဘုံတွင် အရှေ့ကျွန်း(ပုဗ္ဗဝိဒေဟ)၊ အနောက်ကျွန်း(အပရဂေါယာန)၊ မြောက်ကျွန်း(ဥတ္တရကုရု)၊ တောင်ကျွန်း(ဇမ္ဗုဒီပ) ဟှူု၍လေးကျွန်းရှိ၍ အလယ်တွင် မြင်းမိုရ်တောင်ရှိသည်။ တစ်ကျွန်းစီတွင် ကျွန်းငယ် ၅၀၀ စီရံထားသည်။
အရှေ့ကျွန်းသည် လခြမ်းဝက် ပုံရှိ၍ ယူဇနာ ၇ ထောင်ရှိသည်။ ကျွန်းနေလူတို့ မျက်နှာမှာ ထိုကျွန်းအတိုင်း လခြမ်းပုံရှိသည်။ ကုန်ရောင်းကုန်ဝယ်နှင့် အသက်မွေး၍ နှစ် ၇၀၀ အသက်ရှည်သည်။ ကျွန်းထိပ်မှာ တစ်ယူဇနာ မြင့်သော ကုက္ကိုပင် ရှိသည်။
အနောက်ကျွန်းသည် လပြည့်ဝန်း ပုံရှိ၍ ယူဇနာ ၇ ထောင်ရှိသည်။ ကျွန်းနေလူတို့ မျက်နှာမှာ ထိုကျွန်းအတိုင်း လပြည့်ဝန်းပုံ ရှိသည်။ နွားယာဉ်ကို စီး၍ သွားလာနေထိုင်သည်။ နှစ် ၅၀၀ အသက်ရှည်သည်။ ကျွန်းထိပ်မှာ တစ်ယူဇနာ မြင့်သော ထိန်ပင် ရှိသည်။
မြောက်ကျွန်းသည် အင်းပျဉ်မှန် ပုံရှိ၍ ယူဇနာ ၈ ထောင်ရှိသည်။ ကျွန်းနေလူတို့ မျက်နှာမှာ ထိုကျွန်းအတိုင်း အင်းပျဉ်မှန်ပုံ ရှိသည်။ ကျွန်းထိပ်တွင် ယူဇနာ တစ်ရာ ရှိသော ပဒေသာပင် ရှိသည်။ အလိုရှိရာကို ပဒေသာပင်မှ ဆွတ်ယူ၍ စားသောက် နေထိုင်သည်။ နှစ် ၁၀၀၀ အသက်ရှည်သည်။ ကျွန်းသူ ကျွန်းသား များသည် ဥပစ္ဆေဒကံ နှင့်မသေ၊ အိုမင်းခြင်း မရှိ ရာသီဥတု မျှတ၍ မှက်၊ခြင်၊ယင် မရှိ အနာရောဂါ ကင်းသည်။ ကျွန်းသူ ကျွန်းသား များသည် ကာမကိစ္စ ကို တစ်သက်လုံးမှ ၇ ရက်သာ ခံစားသည်။ ကိုယ်ဝန်ဆောင် သားဖွား ဒုက္ခ မရှိ မွေးချိန်တန် မှ မိခင်ဝမ်းမှ ထွက်လာသည်။ မွေးပြီး လမ်းမှာပစ်ခဲ့၍ တွေ့သူက ကလေးငယ် ပါးစပ်ထဲ လက်ထည့် လျှင် နို့ထွက်လာသည်။ ကလေးငယ်မှာ ယောက်င်္ကျားလေးဖြစ်လျှင် ယောက်င်္ကျားကြီးများ၊ မိန်းကလေး ဆိုလျှင် မိန်းမကြီးများ ဆီ နေထိုင်ကြသည်။ အမိနှင့်သား မသိကြ၊ မသိသော်လဲ တပ်မက်ခြင်း မဖြစ်။ မြောက်ကျွန်းတွင် လူသေလျှင် ငှက်များက တခြားကျွန်း သယ်သွား၍ သင်္ချိုင်း မရှိ ငါးပါးသီလ မြဲကြ၍ အပါယ်လေးဘုံ မရောက်ပဲ နတ်ပြည်၌ သာစံကြသည်။
တောင်ကျွန်းသည် လှည်းဦးဆုံ ပုံရှိ၍ ယူဇနာ ၁ သောင်းရှိသည်။ ကျွန်းနေလူတို့ မျက်နှာမှာ ထိုကျွန်းအတိုင်း လှည်းဦးဆုံ ပုံသဏ္ဌာန် ရှိသည်။ သက်တမ်း ပုံမှန်မရှိပေ။ ကျွန်းထိပ်မှာ တစ်ဆယ့်ငါး ယူဇနာ မြင့်သော သပြေပင် ရှိသည်။ ဇမ္ဗုဒီပ ခေါ် တောင်ကျွန်း ကလူများသည် ဘုရား၊ ပစ္စေကဗုဒ္ဓ၊ စင်္ကြာမင်း များ ဖြစ်တတ်ကြသည်။
0 comments: to “ လူ့ဘုံ လူ့လောက ” so far...
Post a Comment